دانژگاو په‌یام نورو شارو مه‌ریوانینه‌ که‌لاسو فێرکه‌رده‌و زوانی هۆرامی نریاره‌

به‌ ته‌لاش و سه‌عیه‌و برێو جه‌ ویرمه‌ندا و وانیاراو مه‌ریوان و هۆرامانی، دانشگاو په‌یام نورو شارو مه‌ریوانینه‌ که‌لاسو فێرکه‌رده‌و زوانی هۆرامی په‌ی وانیاره‌کا/ مسیاره‌کا نریاره‌. ئی که‌لاسه‌ دوێ به‌شێن. به‌شی ئه‌وه‌ڵش فێرکه‌رده‌و وانای و نویسیای به‌ زوانی هۆرامین و به‌شی دووه‌مش فێرکه‌رده‌و قه‌واعێدو رازوانی هۆرامین. وه‌شبه‌ختانه‌ وانیاره‌کا به‌ گه‌رمی ئاماینی پیرایشه‌وه‌ و ئێستقباڵی فره‌شا چوه‌وه‌ که‌رده‌ن و تا ئیسه‌ چن جه‌له‌سێچ بریان ڕاوه‌. ئوستاد و فێرکارو ئه‌وه‌ڵین ده‌وره‌و ئی که‌لاسانه‌ "فاتێح ره‌حیمی" ن. که‌ کتێبو ده‌ستور زوانی هۆرامیش نویسه‌ن و چاپوو دوه‌میش هامنو ئیمساڵی ئامان بازار.

به‌ ئومیدو ئانه‌یه‌ ئی جوره‌ هه‌رمانانه‌ جه‌ ئه‌وته‌ر شار و ده‌گاکاو هۆرامانینه‌ و هه‌رپاسه‌ سه‌راسه‌رو دنیاینه‌ بریا راوه‌ و زوان و فه‌رهه‌نگو هۆرامانی ڕو به‌ ڕو گه‌شه‌ش په‌نه‌ دریو.